Agregada el 13/7/2024, modificada por última vez el 13/7/2024.
Informámoslles que hoxe foi publicada no DOG número 135, a Orde do 2 de xullo de 2024 pola que se establecen as bases reguladoras xerais e a convocatoria para o ano 2024 para a concesión, en réxime de concorrencia competitiva, de axudas a proxectos colectivos, financiados polo Fondo Europeo Marítimo, de Pesca e de Acuicultura (FEMPA), para a restauración da biodiversidade e dos ecosistemas mariños mediante medidas de conservación no marco de actividades marisqueiras sustentables (código de procedemento PE209B):
Obxecto: axudas en réxime de concorrencia competitiva, a proxectos colectivos, financiados polo FEMPA, para a restauración da biodiversidade e dos ecosistemas mariños mediante medidas de conservación no marco de actividades marisqueiras sustentables.
Prazo de presentación de solicitudes: dun mes contado a partir do día seguinte ao da publicación no DOG. Enténdese como último día do prazo o correspondente ao mesmo día ordinal do día da publicación e, se no mes de vencemento non hai día equivalente ao inicial do cómputo, enténdese que o prazo remata o último día de mes. No caso de que o último día sexa inhábil, entenderase prorrogado ao primeiro día hábil seguinte.
Crédito:
Aplicación orzamentaria Código de proxecto Anualidade 2024 Anualidade 2025 Total
46.03.723A.770.1 2024 -142 1.000.000 € 750.000 € 1.750.000 €